fbpx

ගොසිප් ලංකා Gossip Lanka

ශ්‍රී ලංකාවේ පෙරළිකාර ප්‍රවෘත්ති පුවත් සහ ගොසිප් වෙබ් අඩවිය. Sri Lankan trending online news and gossip media.

හුදෙකලා කිරීම හෙටින් අවසන් කොළඹ සහ ගම්පහ දිස්ත්‍රික්කයේ ප්‍රදේශ කිහිපයක්

කොළඹ දිස්ත්‍රික්කයේ  බොරැල්ල , කොටුව ,වැල්ලම්පිටිය හා කොම්පඤ්ඤ වීදිය යන ප්‍රදේශ හා ගම්පහ දිස්ත්‍රික්කයේ කඩවත හා ජා ඇළ ප්‍රදේශ වල හුදෙකලා කිරීම් හෙට උදෑසන 5න් අවසන්  කරන බව යුද හමුදපති ලුතිනන් ජනරාල් ශවේන්ද්‍ර සිල්වා සඳහන් කර සිටිනවා.

එසේ වුවද බොරැල්ල පොලිස් වසමේ වනාතමුල්ල ග්‍රාම නිලධාරී වසමේ සහ කොම්පඤ්ඤවීදියේ වෑකන්ද ග්‍රාම නිලධාරී වසම නැවත දැනුම් දෙන තුරු හුදෙකලා තත්ත්වයේ පවතින බවයි එම මධ්‍යස්ථානය වැඩිදුරටත් සඳහන් කර සිටියේ.

මේ අතර කළුතර දිස්ත්‍රික්කයේ බෝගහවත්ත, බමුනුමුල්ල, කිරිමන්තුඩාව, කෝරාවල, අටළුගම, බමුනුමුල්ල හා ගලගහ මණ්ඩිය යන ග්‍රාම නිලධාරී කොට්ඨාශ මේ මොහොතේ සිට හුදෙකලා කිරීමට පියවර ගෙන ඇති බව ද යුද හමුදාපතිවරයා සඳහන් කර සිටියේ.