යුද හමුදාපති ලුතිනන් ජෙනරාල් ශවේන්ද්‍ර සිල්වා ප්‍රකාශ කර ඇත්තේ ජනාධිපති ගෝතභය රාජපක්ෂ මහතාට ඇඳිරි නීතිය පැනවීමට හා ලබන සඳුදායින් පසු රට වසා දැමීමට කිසිදු අදහසක් නොමැති බවයි.
ජනාධිපති ගෝතාභය රාජපක්ෂ මහතාගේ ප්‍රධානත්වයෙන් පැවති කෝවිඩ් මර්දන කමිටුවේ රැස්වීමකදී ජනාධිපතිවරයා මේ සම්බන්ධයෙන් සිය අදහස් ප්‍රකාශ කළේය.
වර්තමාන තත්ත්වය හේතුවෙන් බටහිර පළාතට පනවා ඇති ඇඳිරි නීතිය ලබන සඳුදා අලුයම 5.00 න් පසු ඉවත් කරන බව යුද හමුදාපතිවරයා පැවසීය.
රට ඉදිරියට ගෙන යාම සහ ආර්ථිකය නඟා සිටුවීම අත්‍යවශ්‍ය බවත්, දෛනික වැටුපක් මත ජීවත්වන ජනතාවට ඇති අපහසුතාවයන් පිළිබඳව ජනාධිපතිවරයා සිය අවධානය යොමු කර ඇති බවත් යුද හමුදාපතිවරයා වැඩිදුරටත් පැවසීය.
රට විවෘත කිරීමෙන් පසු වෛරසය ආසාදනය නොවීම සහ වෛරසය පැතිරීම නොකිරීම මහජනතාවගේ වගකීමක් බව ඔහු පැවසීය.
නිරෝධායන ක්‍රියාවලියට යොමු වන අය ලබා දී ඇති උපදෙස් අනුව කටයුතු කළ යුතු බව යුද හමුදාපතිවරයා පෙන්වා දුන්නේය.
About Post Author
More Stories
අධ්‍යාපන ඇමැති හිස්බුල්ලාගේ පෞද්ගලික විශ්ව විද්‍යාලය රජයට පවරා ගන්නවා කියයි
නිරීක්ෂණයට යාන්ත්‍රණයක් නිවෙස්ගත නිරෝධායනය
ජනපති යටතට අලුතින් පිහිටවූ තාක්ෂණ අමාත්‍යාංශය